نيللي كريم تكشف تفاصيل تعاونها مع محمد فراج في "فوي فوي فوي" وتؤكد: "في كيميا بيني وبين يسرا"

تحدثت الفنانة نيللي كريم عن تفاصيل تعاونها مع محمد فراج في فيلم "فوي فوي فوي".

وقالت نيللي كريم في تصريحات تليفزيونية: "ستمتع بالقصة الحلوة وبالدور الحلو وبحب اشتغل مع ناس فنانين بيحبوا الفن بجد ودي متعتي".

وتابعت: "اتعاملنا مع بعض كتير واللي بيفرق بردو المخرج ليه عامل كبير في اللوكشين والقصة، لأن كل مخرج ليه طابع خاص وليه طلبات معينة وليه رؤية معينة.. أنا بستمتع بالتجارب دي كل مرة، وفراج بيعمل كل مرة شكل جديد ومختلف ومتعة أنك تشتغل مع فنانين بيحبوا الفن.

وعن تعاونها مع يسرا قالت نيللي كريم: "الكيميا بيني وبين يسرا فظيعة كنا بنضحك برا الكواليس وجوا الكواليس وبنعيد بسبب الضحك، وبحبها على المستوى الشخصي".

وتحدثت نيللي كريم عن مشاركتها في السباق الرمضاني المقبل قائلة: بحب الكوميدي والأكشن والتراجيدي وأنا طماعة شويه بحب أقدم كل حاجة.. وهعمل في رمضان 2024 مسلسل كوميدي مشتاقه للكوميديا مش قادرة أعمل أي حاجة فيها عمق.